चित्र तुझ...!!!

डोळे तुझे स्वच्छ

जणू निरभ्र आकाश

तुझ्या नजरेचा तो कटाक्ष

जणू सूर्याचा प्रकाश

हसणं तुझ निर्मळ

जणू खळखळणारा झराच

तुझ्या केसांची ती हालचाल 

जणू चित्रकार खराच

सुंदर तुझी मांडणी

जणू स्वर्ग अवतरला 

ध्यास असे हा तुझा

जणू मनी वसलेला

- वरद

बावरे मन....!

तू नसताना तुझ्या असण्याचे

आभास शोधत बसते....

तू नसताना तुझ्या हसण्याचे

सुमधुर गीत आठवते....

तू नसताना तुझ्या नयनांचे

भाव मनी सजवते....

तू नसताना तुझ्या नसण्याचे

कारण शोधत असते....

- वरद